Pedri “Espanyol”la oyun öncəsi hazır olduğunu bildirib

“Barselona”nın futbolçusu Pedri “Espanyol”la keçiriləcək matç ərəfəsində fiziki durumu ilə bağlı açıqlama verib.  

90deqiqe.Az xəbər verir ki, ispan futbolçu bu barədə jurnalistlərə açıqlamasında deyib.

“Özümü yaxşı hiss edirəm, oynamağa hazıram. Yenidən meydanda olacağım üçün çox şadam. Məşqlərə qayıdacağım günü səbirsizliklə gözləyirdim”

23 yaşlı yarımmüdafiəçi əzələ problemləri səbəbindən “blauqrana”nın “Vilyarreal”a qarşı əvvəlki oyununu buraxmışdı.

Qeyd edək ki, “Barselona”nın “Espanyol”la səfər oyunu yanvarın 3-də keçiriləcək. Kataloniya derbisi Bakı vaxtı ilə saat 00:00-da start götürəcək.