“Ter Ştegen hər məşqçi üçün arzuedilən qapıçıdır”

İspaniyanın “Jirona” klubunun baş məşqçisi Miçel Sançes “Barselona”nın qapıçısı Mark-Andre ter Ştegenin komandaya keçidi ilə bağlı yayılan məlumatlara münasibət bildirib

90deqiqe.Az xəbər verir ki, jurnalist Fabrisio Romano çalışdırıcının dediklərini belə çatdırıb.

— Ter Ştegenin “Jirona”ya gəlişi realdırmı?
— O, ən yüksək səviyyəli futbolçudur. Hər hansı məşqçi belə bir qapıçını komandasında görməkdən məmnun olar

Əvvəlki xəbərlərdə bildirilib ki, ter Ştegenə yalnız “Jirona” deyil, İngiltərənin “Aston Villa” klubu da maraq göstərir. Mənbələr qeyd edirlər ki, “Jirona” rəhbərliyi qapıçını qış transfer pəncərəsində heyətinə qatmaq üçün bütün addımları atır.