- İspaniya L.L.
- 23:04 30.12.2025
“Barselona”nın qapıçısı Mark-Andre ter Ştegen əsas heyətdəki mövqeyini itirib və icarə əsasında komandadan ayrıla bilər.
90deqiqe.Az-ın məlumatına görə, alman qolkiper altı klubun maraq dairəsindədir. Həmin siyahıya “Bavariya”, “Jirona”, “Tottenhem”, “Aston Villa”, “Yuventus” və “Çelsi” daxildir. Sözügedən klublar artıq təcrübəli oyunçunun agenti ilə danışıqlara başlayıb.
33 yaşlı Mark-Andre ter Ştegenin transfer dəyəri Transfermarkt portalının məlumatına görə 7 milyon avro təşkil edir. Təcrübəli qapıçının “Barselona” ilə mövcud müqaviləsi 2028-ci ilin ortalarına qədər qüvvədədir.
Qeyd edək ki, daha əvvəl ter Ştegenin müəyyən şərtlər daxilində “Barselona”dan ayrılacağı ilə bağlı məlumatlar yayılmışdı.
