Mbappe Ronaldonun rekordunu təkrarladı

“Real”ın hücumçusu Kilian Mbappe 2025-ci ildə bütün turnirlər üzrə 59 oyunda 59 qol vurub.

90deqiqe.Az-ın "Opta Sport"a istinadən məlumatına görə,bu göstərici Avropanın TOP-5 liqalarında çıxış edən futbolçular arasında ən yaxşı nəticədir.

Bununla da Mbappe bir təqvim ili ərzində “Real” futbolçusu üçün müəyyən edilmiş mütləq rekordu təkrarlayıb. Sözügedən rekord 2013-cü ildə Kriştiano Ronaldoya məxsusdur. Portuqaliyalı ulduz həmin il bütün turnirlərdə 59 qol vurmuşdu.

Qeyd edək ki, Kilian Mbappe 2024-cü ilin yayından Madrid klubunun formasını geyinir. O, bu müddət ərzində “Kral klubu”nun heyətində 83 oyunda 73 qol və 10 məhsuldar ötürmə ilə yadda qalıb. Futbolçunun müqaviləsi 2029-cu ilin iyununa qədər qüvvədədir.