"Selta" "Valensiya" ilə oyunda 74 illik rekordu təkrarlad

İspaniya çempionatının 18-ci turu çərçivəsində “Selta” doğma meydanda “Valensiya”nı 4:1 hesabı ilə məğlub edib.

90deqiqe.Az-ın məlumatına görə,  maraqlıdır ki, Viqo təmsilçisi La Liqa matçında son iki ilə yaxın müddətdə ilk dəfə dörd qol vurub. “Selta” sonuncu dəfə 2024-cü ilin aprel ayında bir oyunda dörd dəfə fərqlənmişdi.

“Valensiya” ilə qarşıdurmaya gəldikdə isə, “Selta” bu rəqibin qapısına bu qədər qol vurmağı son dəfə 1950-ci ilin dekabrında bacarmışdı. Həmin görüşdə Viqo klubu 5:1 hesablı qələbə qazanmışdı.

Bu qələbədən sonra “Selta” La Liqa turnir cədvəlində 7-ci pilləyə yüksəlib.