Vinisius Junior "Real Madrid"dən ayrılmaq niyyətində deyil

Madridin “Real” klubunun vingeri Vinisius Juniorun “Çelsi” ilə mümkün transferi ilə bağlı yayılan iddialar həqiqəti əks etdirmir.

90deqiqe.Az-ın məlumatına görə, bu barədə tanınmış insayder Fabritsio Romano X sosial şəbəkəsində məlumat paylaşıb.

O braziliyalı futbolçunun nümayəndələri ilə London klubu arasında hər hansı danışıqlar və ya əməkdaşlıq istiqamətində atılmış addımın olmadığını qeyd edib.

Vinisius Juniorun “Çelsi”yə keçidi ilə bağlı yayılan söz-söhbətlərin əsassız olduğu vurğulanır. Futbolçu hazırda tam diqqətini “Real”dakı çıxışlarına yönəldib, müqavilə məsələlərinin isə daha sonra müzakirə olunacağı qeyd edilir.

Qeyd edək ki, Vinisius Junior 2017-ci ilin yayından etibarən Madrid “Real”ının formasını geyinir. Cari mövsümdə vinger klub səviyyəsində 25 oyunda meydana çıxıb, beş qol vurub və səkkiz məhsuldar ötürmə ilə yadda qalıb.