Xabi Alonso “Real”dan ayrıldıqdan sonra azarkeşlərə müraciət etdi

İspaniyalı mütəxəssis Xabi Alonso Madrid “Real”ından ayrıldıqdan sonra klubun azarkeşlərinə müraciət edib. 

90deqiqe.Az-ın məlumatına görə, Xabi Alonso sosial şəbəkə hesabında paylaşdığı açıqlamada bunları qeyd edib:

“Bu peşəkar mərhələ başa çatdı və etiraf etməliyəm ki, hər şey istədiyimiz kimi alınmadı. ‘Real’ı çalışdırmaq mənim üçün böyük şərəf və eyni zamanda ciddi məsuliyyət idi. Kluba, futbolçulara və hər şeydən əvvəl azarkeşlərə – bütün madridistlərə göstərdikləri etimada və dəstəyə görə təşəkkür edirəm. Buradan hörmət, minnətdarlıq və əlimdən gələni etdiyimə dair daxili rahatlıq hissi ilə ayrılıram”.

Xatırladaq ki, Madrid klubu onunla yolların ayrıldığını yanvarın 12-də rəsmən açıqlayıb. “Kral klubu”nun yeni baş məşqçisi postuna Alvaro Arbeloa təyin olunub.

Qeyd edək ki, Xabi Alonso bundan əvvəl Almaniyanın “Bayer” (Leverkuzen) klubunda çalışıb və həmin komanda ilə Bundesliqa çempionu olub.