Arbeloa işə başladı

Madrid “Real”ı yanvar ayında baş məşqçi dəyişikliyinə qərar verib.

90deqiqe.Az xəbər verir ki, Xabi Alonsonu komandanın sükanı arxasında Alvaro Arbeloa əvəzləyib. 42 yaşlı mütəxəssis artıq “kral klubu” ilə işə başlayıb.

Arbeloanın “Real”ın məşqini idarə etdiyi anları əks etdirən video yayımlanıb.

Xatırladaq ki, “Real” bu qərarı İspaniya Superkubokunun finalında qeydə alınan uğursuz nəticədən sonra verib. “Kral klubu” həlledici görüşdə “Barselona”ya 2:3 hesabı ilə məğlub olub.

“Real” növbəti oyununu çərşənbə günü, yanvarın 14-də keçirəcək. Alvaro Arbeloanın rəhbərlik etdiyi komanda İspaniya Kubokunun 1/8 final mərhələsində səfərdə “Albasete” ilə üz-üzə gələcək.

Qeyd edək ki, La Liqanın turnir cədvəlində “Real” hazırda ikinci pillədə qərarlaşıb.