"Qələbə qazanmaq "Real Madrid"in DNT-sindədir"

“Real”ın baş məşqçisi Alvaro Arbeloa klubun gələcək vizyonu barədə danışıb.

90deqiqe.Az xəbər verir ki, 42 yaşlı mütəxəssis bu barədə jurnalistlərə açıqlamasında deyib.

“Bu klub üçün təkcə qələbələr vacibdir — qələbələr və yenə qələbələr. Bu, bizim DNT-mizdədir. Elə bu dəyərlər klub muzeyinin vitrinlərini titul və kuboklarla doldurub. Futbolçu olarkən bu dəyərləri paltardəyişmə otağından öyrəndim — və bu, ən önəmlisidir. Mən buna obsesif şəkildə bağlıyam”

Qeyd edək ki, Arbeloa “Real”ın sükanı arxasına Xabi Alonsonu əvəz edərək keçib. Baş məşqçi kimi ilk oyununu o, yanvarın 14-də İspaniya Kubokunun 1/8 final mərhələsində “Albasete”yə qarşı keçirəcək.