- İspaniya L.L.
- 23:15 13.01.2026
“Real”ın yeni baş məşqçisi Alvaro Arbeloa mətbuat konfransında komandanın hücumçusu Vinisius Junior barədə danışıb.
90deqiqe.Az-ın məlumatına görə, təcrübəli çalışdırıcı braziliyalı hücumçunun çətin xarakterə malik olduğunu bildirib.
“Baş verməyən şeylər haqqında ssenarilər qurmuram. Mənim üçün vacib olan yalnız sabahkı oyundur. Komandada Vinisiusun olması mənim üçün xoşbəxtlikdir, bütün azarkeşlər onu sevir. Hamımız son finalı gördük: Vinisius zövq alır, gülür və rəqs edirdi. Elə Vinisiusu da mən görmək istəyirəm"
Qeyd edək ki, Alvaro Arbeloa Xabi Alonsonun istefasından sonra bazar ertəsi “Real”ın sükanı arxasına keçib. Komanda yanvarın 14-də İspaniya Kubokunun 1/8 final mərhələsində “Albasete”yə qarşı oyun keçirəcək.
