“Real”ın formasını geyinmək həyatda ən yaxşı dövrdür”

Alvaro Arbeloa “Real”ın baş məşqçisi kimi ilk oyunundan öncə mətbuat konfransında jurnalistlərin suallarını cavablandırıb.

90deqiqe.Az-ın məlumatına görə, 42 yaşlı mütəxəssis Madrid klubunun paltardəyişmə otağındakı ego məsələsinə münasibət bildirib.

“Bu məni çox narahat etmir. Komandamızda böyük futbolçular var və hamısı əla insanlardır. Heç kəs titul qazanmaq istəyində futbolçulardan daha çox maraqlı deyil. Mən onlara dedim ki, həyatda ən yaxşı dövr “Real”ın formasını geyinməkdir və bundan zövq almaq lazımdır. Onlar özlərinə qarşı tələbkardırlar. Bu, yaxşı ilk təmas oldu”

Qeyd edək ki, yanvarın 14-də “Real” İspaniya Kubokunun 1/8 final mərhələsində səfərdə “Albasete” ilə qarşılaşacaq.