“Real” “Levante”ni məğlub etdi

İspaniya La Liqasının 2025/2026 mövsümünün 20-ci turu çərçivəsində Madrid “Real”ı doğma meydanda “Levante”ni qəbul edib.

90deqiqe.Az xəbər verir ki, “Santyaqo Bernabeu” stadionunda keçirilən qarşılaşmanı baş hakim Miqel Sesma Espinosa idarə edib. Görüş Madrid təmsilçisinin 2:0 hesablı qələbəsi ilə yekunlaşıb.

Matçda hesab 58-ci dəqiqədə açılıb. “Real”ın hücumçusu Kilian Mbappe 11 metrlik cərimə zərbəsini dəqiq yerinə yetirib. 65-ci dəqiqədə isə müdafiəçi Raul Asensio fərqlənərək meydan sahiblərinin üstünlüyünü iki topa çatdırıb.

Qeyd edək ki, ötən turda “Real” “Betis” üzərində 5:1 hesablı inamlı qələbə qazanmışdı. “Levante” isə “Espanyol”la oyunda heç-heçə edib — 1:1.

Növbəti turda “kral klubu” yanvarın 24-də “Vilyarreal”la qarşılaşacaq. “Levante” isə yanvarın 23-də “Elçe” ilə üz-üzə gələcək.