“Bu mövsüm də bombardir olacaq”

Madrid “Real”ının müdafiəçisi Fran Qarsiya komanda yoldaşı, ulduz hücumçu Kilian Mbappe haqqında fikirlərini bölüşüb.

90deqiqe.Az xəbər verir ki, "Mundo Deportivo" futbolçunun dediklərini belə çatdırıb.

“Mbappe çox yaxşı insandır. Komandaya mükəmməl uyğunlaşıb. Kilian qol vəziyyətləri yaratmağı çox bacarıqlıdır və müdafiəçilərlə asanlıqla bacarır. O, böyük futbol istedadına sahibdir. Düşünürəm ki, Mbappe bu mövsüm də bombardir olacaq”

Qeyd edək ki, La Liqanın cari mövsümündə 27 yaşlı fransalı hücumçu 19 oyunda meydana çıxıb. Mbappe bu görüşlərdə 19 qol vurub və 4 məhsuldar ötürmə ilə yadda qalıb.

Ulduz futbolçunun transfer dəyəri hazırda 200 milyon avro olaraq qiymətləndirilir.