“Qalib gəlmək istəyirəmsə, Vinisius mənə meydanda lazımdır”

Madrid “Real”ının baş məşqçisi Alvaro Arbeloa komandanın cinah hücumçusu Vinisius Junior barədə fikirlərini bölüşüb.

90deqiqe.Az xəbər verir ki, "Mundo Deportivo" təcrübəli çalışdırıcının dediklərini belə çatdırıb.

 “Onu ehtiyat oyunçular skamyasına göndərmək? Bunun nə verəcəyini bilmirəm. O, formada olduğu və hazırda göstərdiyi oyun səviyyəsini qoruduğu müddətdə meydanda olacaq. Vinisius fantastik və istisna futbolçudur.

‘Real’ın baş məşqçisi kimi, əgər qələbə qazanmaq üçün az da olsa şansımın olmasını istəyirəmsə, ona ehtiyacım var. Mənə meydanda Vinisius lazımdır”

La Liqanın 20-ci turunda “Levante”yə qarşı keçirilən və 2:0 hesabı ilə başa çatan oyunda Madrid təmsilçisinin azarkeşləri braziliyalı vingerin meydandakı demək olar ki, hər bir hərəkətini fitə basıblar.