“Belə titullu məşqçi ilə işləmək böyük şans idi”

Madrid “Real”ının baş məşqçisi Alvaro Arbeloa sabiq çalışdırıcı Karlo Ançelotti ilə görüşüb-görüşmədiyi barədə sualı cavablandırıb. 

90deqiqe.Az xəbər verir ki, 42 yaşlı mütəxəssis bu barədə jurnalistlərə açıqlamasında deyib.

“Onu dərsdən qaçdığı üçün qeydiyyata alacağam – aşağı enib salamlaşmadı. Əgər sabahkı oyunda da olacaqsa, ümid edirəm ki, aşağı enər. Axı mən onun rəhbərliyi altında oynamışam. Belə titullu bir məşqçi ilə çalışmaq böyük şans idi. Bundan artıq nə demək olar ki?” 

Qeyd edək ki, “kral klubu”nun keçmiş baş məşqçisi ötən həftəsonu “Santyaqo Bernabeu” stadionunda keçirilən matçı tribunadan izləyib. Hazırda Karlo Ançelotti Braziliya millisinin baş məşqçisi vəzifəsini icra edir.

Xatırladaq ki, “Real” Çempionlar Liqasının 7-ci turu çərçivəsində yanvarın 20-də “Monako” ilə qarşılaşacaq.