Mbappenin qol vurduğu 21 oyundan 19-da "Real" qələbə qazanıb

Madrid “Real”ının ulduz hücumçusu Kilian Mbappe növbəti dəfə fərqlənərək komandaya qələbə qazandırıb.

90deqiqe.Az xəbər verir ki, dünən 27 yaşlı futbolçu “Vilyarreal”la səfər oyununda iki qol vurub və “kral klubu”nun 2:0 hesablı qələbəsini təmin edib. Maraqlıdır ki, Mbappe ən azı bir qol vurduğu 21 oyundan 19-da komandası qələbə qazanıb. Onun qol vura bilmədiyi 11 oyunda isə yalnız 4 qələbə, 2 heç-heçə və 5 məğlubiyyət qeydə alınıb.

“Real” La Liqa cədvəlində 51 xalla birinci yerdədir, amma 2 xal geridə qalan “Barselona” hələ 21-ci tur oyununu keçirəcək. Kiliyan Mbappe isə çempionatın bombardirlər yarışında 20 oyunda 21 qol ilə liderdir.