“Barselona” Fermin Lopes ilə bağlı qərarını verdi

İspaniyanın “Barselona” klubu yarımmüdafiəçi Fermin Lopes ilə müqaviləni uzadıb.

90deqiqe.Az klubun rəsmi saytına istinadən xəbər verir ki, yeni əmək müqaviləsi 2031-ci ilin ortalarına qədər nəzərdə tutulub və Lopesin maliyyə şərtləri yaxşılaşdırılacaq.

Müqavilənin rəsmi imzalanma mərasimi yaxın günlərdə klubun ofisində keçiriləcək. Tədbirdə “Barselona”nın prezidenti Joan Laporta iştirak edəcək, Lopes isə imzasını atacaq və jurnalistlərə açıqlama verəcək.

Qeyd edək ki, “Barselona” yanvarın 31-də səfərdə “Elçe” ilə qarşılaşacaq. Matç Bakı vaxtı ilə saat 00:00-da başlayacaq.