"Hələ ki, Ter Ştegenlə danışa bilməmişəm"

“Barselona”nın baş məşqçisi Hansi Flik qapıçı Mark-Andre ter Ştegenin “Jirona”dan zədə səbəbi ilə geri dönmə ehtimalı ilə bağlı fikirlərini açıqlayıb.

90deqiqe.Az xəbər verir ki, "AS" alman çalışdırıcının dediklərini belə çatdırıb.

“Xəbəri gördüm, amma hələ onunla danışmaq imkanım olmayıb. Ona ən yaxşılarını arzulayıram. Geri dönüş məsələsinə gəldikdə isə, mən bunu deyə bilmərəm. Onun zədəsi var, amma bundan sonra nə olacağını bilmirəm.”

Xatırladaq ki, qapıçı ayağındakı əzələ tendonunun yırtığı səbəbindən təxminən 2 ay meydandan kənar qalacaq. Bu, “Jirona”nın katalon klubuyla icarə müqaviləsini ləğv etməsinə səbəb ola bilər.

33 yaşlı alman qapıçı son dövrlərdə ikinci ciddi zədəsini alıb. O, əvvəlki mövsümün avqust-dekabr aylarında belindəki problem səbəbindən meydanda yer ala bilməmişdi.