“Reşforddan daha artığını gözləyirəm”

“Barselona”nın baş məşqçisi Hans-Diter Flik komandanın vingeri Markus Reşfordla bağlı fikirlərini bölüşüb.

90deqiqe.Az xəbər verir ki, "Barca Universal" çalışdırıcının dediklərini belə çatdırıb.

“Düşünürəm ki, Reşfordun potensialı daha böyükdür. Bu sürət və texnika ilə bizə daha çox fayda verə bilər. Məhz bunu ondan gözləyirəm. Ondan razıyam, amma hesab edirəm ki, daha artığını göstərə bilər. Mən hər bir futbolçunu öz imkanlarının zirvəsində görmək istəyirəm”

Qeyd edək ki, “Barselona” Reşfordu yay transfer pəncərəsində “Mançester Yunayted”dən icarəyə götürüb. 28 yaşlı hücumçu katalon klubunun heyətində bütün turnirlər üzrə 32 oyuna çıxıb, 10 qol vurub və 12 məhsuldar ötürmə edib.