"O, məşqdə ən çalışqan deyildi, amma..."

“Barselona”nın sabiq futbolçusu Samuel Umtiti Kataloniya klubunda birgə çıxış etdiyi Jerard Pike haqqında fikirlərini bölüşüb.

90deqiqe.Az xəbər verir ki, “The Elevate House” fransız müdafiəçinin dediklərini belə çatdırıb.

“Pike oynadığım ən yaxşı müdafiəçilərdən biri idi. O, məşqlərdə ən çalışqan futbolçu deyildi, çünki fiziki cəhətdən hər zaman hazır olurdu. Lakin oyunu oxuma bacarığı inanılmaz idi”, – deyə Umtiti bildirib.

Qeyd edək ki, Samuel Umtiti “Barselona”nın heyətində 133 rəsmi matçda meydana çıxıb. Bu görüşlərdə fransız müdafiəçi 2 qol vurub və 1 məhsuldar ötürmə ilə yadda qalıb.

Hazırda “Barselona” İspaniya La Liqasında liderdir. İkinci pillədə qərarlaşan “Real Madrid” kataloniyalılardan 1 xal geri qalır.