Uilyams “Atletik”də uğur qazanmaq ümidini itirib

"Atletik Bilbao"nun hücumçusu Niko Uilyams klubla uğur əldə etmə ümidini itirib.

90deqiqe.Az-ın "The Touchline"yə istinadən məlumata görə, vəziyyəti mürəkkəbləşdirən əsas səbəb FIFA-nın 2028-ci ilə qədər tətbiq etdiyi transfer qadağasıdır. Uilyamsın ətrafı bildirir ki, futbolçu özünü tələyə düşmüş kimi hiss edir və müqaviləni uzatmaq qərarına peşmançılıq hissi keçirir.

Qeyd edək ki, əvvəllər Niko Uilyams iki dəfə “Barselona”ya keçməkdən imtina etmiş və sonra “Atletik”lə daha yaxşı şərtlərlə yeni müqavilə imzalamışdı. Cari mövsümdə 23 yaşlı cinah oyunçusu bütün turnirlərdə 26 oyuna çıxaraq 4 qol vurub və 6 məhsuldar ötürmə edib.