Flik “Barselona”nın futbolçularını sərt tənqid edib

"Barselona" klubunun baş məşqçisi Hans-Diter Flik komandanın son oyunundakı çıxışından ciddi narazı qalıb.

90deqiqe.Az-ın "Mundo Deportivo"ya istinadən məlumatına görə, almaniyalı mütəxəssis məşqdən əvvəl futbolçularla sərt söhbət apararaq İspaniya Kubokunun yarımfinalında "Atletiko Madrid" klubuna qarşı keçirilən görüşün ilk hissəsindəki oyunu qəbuledilməz adlandırıb. Həmin qarşılaşmada kataloniya təmsilçisi 0:4 hesabı ilə məğlub olub.

Flik bildirib ki, ilk yarıda komanda meydanda döyüş ruhu, dinamika və mübarizə əzmi nümayiş etdirməyib. Onun sözlərinə görə, finala bir addım qalmış bu cür çıxış titul iddiasında olan kollektiv üçün yolverilməzdir.

Baş məşqçi futbolçuların meydana lazımi motivasiya və məsuliyyət hissi olmadan çıxmasını anlaya bilmədiyini vurğulayıb.