Ramos “Sevilya”nın sahibi ola bilər

İspaniyanın “Sevilya” klubunun sabiq müdafiəçisi Serxio Ramos öz doğma komandasını almaq imkanlarını ciddi şəkildə araşdırır.

90deqiqe.Az-ın "derbyderbyderby.it"ə istinadən məlumata görə, martın sonunda Ramos 40 yaşını qeyd edəcək və bu qərarı özünə hədiyyə etmək niyyətindədir.

Hazırda KPMG fondu investor qismində ilkin audit aparır. Eyni zamanda, klubun texniki defolt elan etməsi ehtimalı da qalır. Analitiklərin proqnozuna görə, qərar mövsüm başa çatmadan, aprelin ortalarına qədər verilə bilər, xüsusilə də Ramos bu ideyadan imtina edərsə.

Hazırda “Sevilya” İspaniya çempionatında 14-cü pillədə qərarlaşıb.