“Valensiya” XXI əsrdə ən zəif mövsümünü yaşayır

İspaniyanın “Valensiya” klubu cari mövsümdə 21-ci əsrdə ən zəif hücum göstəricisini nümayiş etdirir.

90deqiqe.Az-ın məlumatına görə, 23 turdan sonra komanda yalnız 23 qol vurub – bu, hər oyuna orta hesabla 1 top deməkdir.

Məsələn, "Barselona" artıq 63 qol vurub – oyun başına orta hesabla 2,75 qol. Son illərdə “şirlər”in hücum xətti həmişə zəif olub: bir il öncə 23 turdan sonra 24 qol, iki il əvvəl isə 29 qol vurulmuşdu.

Amma son 40 ildə belə zəif göstərici qeydə alınmayıb – sonuncu dəfə 1988/1989 mövsümündə 23 turdan sonra “Valensiya” yalnız 22 qol vurmuşdu. O vaxt komanda həm də müdafiədə möhkəm çıxış edirdi və 26 qol buraxaraq çempionatı üçüncü yerdə bitirmişdi.

Hazırda isə “Valensiya” 37 qol buraxıb ki, bu da La Liqada aşağıdan ikinci nəticədir.