Barselona Messi'ni yenə itirdi

İspaniya La Liqasının VI turunda "Vilyarreal"ı məğlub edən "Barselona" (2:1) kapitanı Lionel Messini yenidən itirib.

Corner.az-ın məlumatına görə, oyunun birinci hissəsində zədələnən argentinalı futbolçu fasilədən sonra əvəzlənməli olub

32 yaşlı hücumçu çempionatın növbəti turunu buraxa bilər. Bu gün keçiriləcək tibbi müayinədən sonra futbolçunun durumuna aydınlıq gələcək. Baş məşqçi Ernesto Valverde oyun zamanı sol bud əzələsində ağrılar hiss etdiyi üçün Leonu əvəzlədiyini bildirib. O, Messinin "Xetafe" ilə matça qədər hazır olacağını ümid etsə də, onu riskə atmayacağını da vurğulayıb.

Qeyd edək ki, "Xetafe" - "Barselona" görüşü sentyabrın 28-də keçiriləcək.