"Hər bir qolumuzun ləğv edilə biləcəyini hiss edirik"

"Barselona"nın müdafiəçisi Erik Qarsiya İspaniya futbolunda hakimliklə bağlı narazılığını dilə gətirib.  

90deqiqe.Az-ın "Barca Universal"a  istinadən məlumatına görə, Qarsiya bildirib ki, hazırda "Barselona" futbolçuları hər an hər hansı bir qolun ləğv ediləcəyindən narahatdır:

"Əgər hakimlər istəsələr, hər zaman qolu ləğv edəcəklər. Biz bunu idarə edə bilmirik. "Atletiko" ilə oyundakı Kubarzinin qolunun ləğv olunması təxminən yeddi dəqiqə sürdü. Mənim üçün bu, sadəcə dəhşətdir"

Son iki matçında "Barselona" "Atletiko Madrid"ə (0:4) və "Xirona"ya (1:2) uduzduqdan sonra komanda hakimlik qərarlarına etiraz edib.

22 fevral tarixində "Barselona" növbəti matçını keçirəcək, rəqibi isə "Levante" olacaq.