“Hakim qərarlarına enerji sərf etmək mənasızdır”

"Barselona"nın qapıçısı Joan Qarsia İspaniya liqasındakı hakimlik barədə şərh verib.

90deqiqe.Az xəbər verir ki, "Marca" 24 yaşlı qolkiperin dediklərini belə çatdırıb.

"Son vaxtlar bəyənmədiyimiz bir neçə mübahisəli qərar olub. Amma biz, oyunçular, buna vaxt itirməməliyik. Bu, nəzarət edə bilmədiyimiz bir şeyə enerji itkisidir"

Qapıçının sözlərinə görə, hakimlikdəki əsas problem mübahisəli qərarların subyektiv şərhidir.

"Barselona" hazırda turnir cədvəlində ikinci yerdədir və "Real Madrid"dən iki xal geridədir. Sabah Kataloniya təmsilçisi "Levante" ilə ev oyunu keçirəcəklər.