"Real Madrid"də daha bir itki

"Real Madrid" klubu ciddi itki ilə üzləşib.

90deqiqe.Az klubun rəsmi saytına istinadən xəbər verir ki, Madrid klubunun yarımmüdafiəçisi Daniel Seballosu zədələnib.

"Tibbi müayinələrdən sonra Dani Seballosa sağ ayağının baldır əzələsində əzələ zədəsi diaqnozu qoyulub. Onun sağalması yaxından izləniləcək", - deyə "Real Madrid" klubunun açıqlamasında bildirilib.

Qeyd edək ki, daha əvvəl "Real Madrid" mərkəz müdafiəçisi Din Huysenin zədə aldığını açıqlayıb.

Şənbə, 21 fevral tarixində yarımmüdafiəçi İspaniya liqasının 25-ci turunda "Osasuna"ya (2-1) qarşı oynayıb.

 Bu mövsüm yarımmüdafiəçi bütün yarışlarda 22 oyunda meydana çıxıb və qol vurmayıb. Onun klubla müqaviləsi 2027-ci ilin yayına qədərdir. "Transfermarkt" portalındakı məlumata görə, onun bazar dəyəri 8 milyon avrodur.