“90 dəqiqə futbol izləmək mənə görə deyil”

"Barselona"nın sabiq ulduzu Ronaldinyo futbol matçlarını tam şəkildə izləməyi sevmədiyini etiraf edib.

90deqiqe.Az-ın məlumatına görə, braziliyalı sabiq hücumçu 90 dəqiqənin onun üçün çox uzun olduğunu bildirib:

“Mən futbol izləməyi sevmirəm. Yalnız ən maraqlı məqamları izləmək xoşuma gəlir. 90 dəqiqə çox uzundur. Yalnız final və ya derbi olarsa baxaram, əks halda maraqlı deyil. Əsəbiləşməyə başlayıram. Düşünürəm ki, bu futbolçu bu ötürməni necə verdi? Sonra da hirslənirəm”

Qeyd edək ki, Ronaldinyo 2005-ci ildə “Qızıl top” mükafatına layiq görülüb. Braziliyalı futbolçu Avropada PSJ, "Barselona" və "Milan" klublarının formasını geyinib.