"İspaniyada oynamaq şansım var idi, amma..."

"İnter Mayami"nin argentinalı yarımmüdafiəçisi Lionel Messi karyerasının əvvəlində vətəndaşlığını dəyişdirmək ehtimalından danışıb.

90deqiqe.Az-ın "beIN Sport"a istinadən məlumatına görə, 38 yaşlı futbolçu İspaniyanın ona maraq göstərdiyini və onu milli komandalarında oynamağa razı salmağa çalışdığını qeyd edib.

"Bir vaxtlar İspaniya milli komandası mənimlə əlaqə saxladı. Məni əksinə inandırmağa çalışdılar. Mən argentinalıyam, amma çox gənc yaşlarımda "Barselona"ya gəlmişəm. İspaniyada oynamaq imkanım var idi, amma həmişə Argentinanı təmsil etmək istəyirdim"

Messi Argentina milli komandasında debütünü 17 avqust 2005-ci ildə Macarıstanla oyunda edib. O, 64-cü dəqiqədə meydana daxil olub, lakin bir dəqiqədən az sonra rəqibinin boğazına şiddətli yumruq vurduğuna görə meydandan qovulub. Pis başlanğıcına baxmayaraq, Messi milli komandada 196 oyun keçirib və 115 qol vurub. Milli komandanın tərkibində iki dəfə Amerika Kubokunu və 2022-ci il Dünya Kubokunu qazanıb.