Ronaldo İspaniya klubuna şərik oldu

Portuqaliya millisinin üzvü və Səudiyyə Ərəbistanının “Əl-Nəsr” klubunun ulduz futbolçusu Kriştiano Ronaldo İspaniya təmsilçisi “Almeriya”nın səhmlərinin 25 faizini alıb.

90deqiqe.Az xəbər verir ki, bu barədə jurnalist Fabrizio Romano “X” sosial şəbəkəsində (keçmiş Twitter) məlumat paylaşıb.

Bildirilib ki, tərəflər arasında razılıq əldə olunub və müqavilə imzalanıb. Sözügedən Sequnda təmsilçisi Səudiyyə Ərəbistanı investisiya qrupuna məxsusdur.

Qeyd edək ki, Ronaldo 2023-cü ildən etibarən “Əl-Nəsr”də çıxış edir. Onun bu addımı futbol karyerasından sonra biznes fəaliyyətini genişləndirməsi kimi qiymətləndirilir.