Mbappe əməliyyatdan imtina etdi

Fransa millisinin və "Real Madrid" klubunun hücumçusu Kilian Mbappe dizindəki zədə ilə bağlı əməliyyatdan imtina edib.

90deqiqe.Az-ın "AS"a istinadən məlumatına görə, futbolçu əsas diqqətini 2026-cı ildə keçiriləcək dünya çempionatına yönəldib. Əməliyyat variantı bərpa müddətini uzada və onun mundialda iştirakını sual altına sala bilər.

Bu səbəbdən Mbappe riskə getməmək və turnirə qədər konservativ müalicə yolu ilə formasını qorumaq qərarına gəlib.

Statistik göstəricilər də onun yüksək performansını təsdiqləyir. Hücumçu cari mövsümdə 33 matçda 38 qol və 6 assistlə komandasının əsas silahlarından biri olduğunu sübut edib.