"Qrizman hələ iki mövsüm üçün bizimlədir”

“Atletiko”nun idman direktoru Mateu Alemani hücumçu Antuan Qrizman ətrafında yayılan söz-söhbətlərə münasibət bildirib.

90deqiqe.Az xəbər verir ki, "Goal" Alemaninin dediklərini belə çatdırıb.

“Bu məsələ yalnız sadə şayiədir. Antuanın qarşısında hələ iki mövsüm var, o, qarşıdakı tapşırıqlara fokuslanıb və oyun səviyyəsi çox yaxşıdır”.

Daha əvəl 34 yaşlı futbolçunun MLS komandası “Orlando Siti”yə keçməyə yaxın olduğu xəbərləri yayılmışdı.

Cari mövsümdə Qrizman “matrasniklər”in heyətində bütün turnirlərdə 36 matçda iştirak edib, 12 qol vurub və 2 məhsuldar ötürmə ilə yadda qalıb.

Qeyd edək ki, fransız forvardın “Atletiko” ilə müqaviləsi 2027-ci ilin iyun ayında başa çatacaq.