Xavi “Barselona”da prezident seçkisində Laportaya qarşı namizədi dəstəklədi

“Barselona”nın sabiq futbolçusu və baş məşqçisi Xavi klubun prezident seçkilərində Joan Laportaya qarşı çıxıb.

90deqiqe.Az-ın “Sport” nəşrinə istinadən məlumatına görə, Xavi ictimai tədbirdə iştirak edərək prezidentliyə namizəd Víktor Fontun namizədliyini dəstəkləyib.

Xatırladaq ki, Joan Laporta yeni müddətə namizədliyini irəli sürmək üçün yaxın vaxtlarda vəzifəsindən istefa verib. Xavi isə 2023/2024 mövsümünün sonunda “Barselona”nın baş məşqçi postunu tərk edib. Onun yerinə Almaniya mütəxəssisi Hansi Flik təyin olunub.

Qeyd edək ki, fevralın 28-də “Barselona” İspaniya çempionatında öz meydanında "Vilyarreal" ilə qarşılaşacaq.