Yamal 2024-cü ildən sonra ilk dəfə bir oyunda iki qol vurdu

"Barselona" İspaniya çempionatının növbəti turunda doğma meydanda "Vilyarreal"ı qəbul edir.

90deqiqe.Az-ın məlumatına görə, görüşün ilk hissəsindən sonra kataloniyalılar 2:0 hesabı ilə irəlidədir. Komandanın hər iki qoluna gənc vinger Lamine Yamal imza atıb.

Yamal əvvəlcə qapıçı ilə təkbətək vəziyyəti dəqiq zərbə ilə tamamlayıb. Daha sonra isə cinahda bir neçə müdafiəçini ustalıqla keçərək baxımlı qolla hesab arasındakı fərqi artırıb.

Bu, 16 yaşlı futbolçunun cari mövsümdə ilk dubldur. O, sonuncu dəfə klub səviyyəsində 15 sentyabr 2024-cü ildə iki qol vurmuşdu. Həmin gün Yamal "Jirona"nın qapısına iki dəfə yol tapmışdı.