Yamal het-triklə La Liqa rekorduna imza atdı

İspaniya La Liqasının bu gün keçirilən matçında “Barselona” evdə “Vilyarreal” komandası üzərində 4:1 hesablı qələbə qazanıb.

90deqiqe.Az-ın məlumatına görə, oyun zamanı kataloniyalıların qanad oyunçusu Lamin Yamal diqqət mərkəzində olub. 18 yaş 230 günlük Yamal ilk dəfə karyerasında het-trik edib və bu, XXI əsrdə La Liqada ən gənc het-trik hesab olunur.

Əvvəlki rekord 2008-ci ildə Giovani dos Santosa aid idi – o 19 yaş 6 günlük olarkən het-trik etmişdi.

Bu qələbə ilə “Barselona” turnir cədvəlində liderliyini qoruyub, “Real” üzərində dörd xal fərqi ilə öndədir. Qeyd edək ki, Madrid klubu bir oyunu az keçirib.