"Vinisius meydanda komandamızın açar oyunçusudur"

"Real Madrid"in baş məşqçisi Alvaro Arbeloa hücumçu Vinisius Juniorin oyun formasının yaxşılaşdırılması ilə bağlı açıqlama verib.

90deqiqe.Az xəbər verir ki, "AS" mütəxəssisin dediklərini belə çatdırıb.

“Bu uğur Vinisiusa məxsusdur. O, fantastik futbolçudur. Mən ona böyük dəstək verir, diqqət göstərirəm və komanda yoldaşlarını ona meydanda kömək etməyə, onun güclü tərəflərini istifadə etməyə təşviq edirəm. Vinisius qərarlı və açar oyunçudur. Məşqçi kimi mən diqqətimi onun müxtəlif situasiyalarda optimal şəkildə istifadə edilməsinə yönəldirəm”.

Arbeloa komandanın sükanı arxasına 13 yanvarda keçib. Bu müddət ərzində braziliyalı ulduz bütün turnirlər daxil olmaqla 10 oyunda iştirak edib, 7 qol vurub və 3 məhsuldar ötürmə edib.