Levandovski “Atletiko” ilə oyunu buraxacaq

"Barselona"nın hücumçusu Robert Levandovski zədə səbəbindən İspaniya Kubokunun yarımfinal mərhələsinin cavab oyununu buraxacaq.

90deqiqe.Az klubun rəsmi saytına istinadən xəbər verir ki, polşalı forvard “Vilyarreal”la oyunda baş nahiyəsindən zədə alıb. Aparılan tibbi müayinələr nəticəsində onun sol göz çuxurunun daxili hissəsində sümük sınığı aşkar edilib.

Bildirilib ki, Levandovski martın 3-də "Atletiko Madrid"ə qarşı keçiriləcək yarımfinalın cavab görüşündə iştirak etməyəcək.

Qarşılaşma “Spotifay Kamp Nou” stadionunda baş tutacaq. İlk oyunda “Barselona” rəqibinə 0:4 hesabı ilə məğlub olub.