- İspaniya L.L.
- 23:59 17.04.2026
İspaniyanın "Alaveş" klubu baş məşqçisi Eduardo Koudetlə yollarını ayırıb.
90deqiqe.Az xəbər verir ki, bu barədə klubun mətbuat xidməti məlumat yayıb.
Boş qalan posta təcrübəli ispaniyalı mütəxəssis Kike Sançez Flores təyin olunub. Tərəflər arasında imzalanan müqavilə 2028-ci ilin ortalarınadək nəzərdə tutulub.
Flores daha əvvəl "Sevilya", "Valensiya", "Atletiko Madrid" və "Xetafe" kimi klublarda çalışıb.
Hazırda “Alaveş” La Liqa turnir cədvəlində 27 xalla 16-cı pillədə qərarlaşıb. Komanda növbəti oyununu martın 8-də “Valensiya”ya qarşı keçirəcək.
