“Barselona” “Atletiko” ilə oyunda hər iki cinah müdafiəçisini itirdi

"Barselona"nın sağ cinah müdafiəçisi Jül Kunde və sol cinah müdafiəçisi Aleks Balde  "Atletiko Madrid"ə qarşı keçirilən Kral Kuboku yarımfinalının ikinci oyununda sıradan çıxıblar.

90deqiqe.Az-ın məlumatına görə, Kunde sol ayağının dizaltı vətərindən zədə alıb, bərpa müddəti hələ açıqlanmayıb. Balde isə sol ayağının vətər zədəsini yaşayıb və təxminən dörd həftədən sonra komandaya qoşula biləcək.

Qeyd edək ki, “Barselona” cavab oyununu 3:0 hesabı ilə udsa da, ilk matçdakı 0:4 hesabı nəticəsində İspaniya Kubokunun finalına yüksələ bilməyib. Finalda "Atletiko" "Real Sosyedad" və "Atletik Bilbao" oyununun qalibi ilə qarşılaşacaq.