Messinin zədəsi ciddidir

“Barselona”nın kapitanı Lionel Messinin zədəsi ciddidir.

Corner.az İspaniya mətbuatına istinadən xəbər verir ki, bu gün tibbi müayinədən keçən argentinalı hücumçuya sol ayağının bud əzələsində dartılma diaqnozu qoyulub. Onun 1 ay  yaşıl meydanlardan uzaq qalacağı gözlənilir.

Qeyd edək ki, bir müddətdir zədədən əziyyət çəkən 32 yaşlı futbolçu İspaniya La Liqasının son turunda “Vilyareal”ya görüşdə bu mövsüm ilk dəfə start heyətdə meydana çıxmışdı. Messi həmin matçın ilk hissəsində yenidən zədələnib.