“Real Sosyedad” finala yüksəldi

İspaniya Kral Kubokunun yarımfinal mərhələsinin cavab oyunu keçirilib.

90deqiqe.Az-ın məlumatına görə, "Reale Arena" stadionunda “Real Sosyedad” və “Atletik” komandaları üz-üzə gəlib. Matç meydan sahiblərinin 1:0 hesablı qələbəsi ilə yekunlaşıb.

Oyunun taleyini “Real Sosyedad”ın kapitanı Mikel Oyarzabal həll edib. Hücumçu 87-ci dəqiqədə təyin olunan penaltini qola çevirərək komandasına qələbə qazandırıb.

Xatırladaq ki, komandalar arasında ilk görüş Bilbaodakı San Mamés Stadium arenasında keçirilmiş və “Real Sosyedad” həmin oyunda da 1:0 hesabı ilə qalib gəlmişdi.

Beləliklə, iki matçın nəticəsinə əsasən ümumi hesab 2:0 olub və “Real Sosyedad” Kral Kubokunun finalına yüksəlib.