“Zidan çox taktiki məşq vermirdi”

“Real” klubunun sabiq hücumçusu Qaret Beyl keçmiş baş məşqçi Zinəddin Zidan barədə danışıb.

90deqiqe.Az xəbər verir ki, "The Overlap" sabiq futbolçunun dediklərini belə çatdırıb.

“Doğrusu, o, məşqçi kimi çox iş görmürdü. Biz bəzi oyunlardan əvvəl – məsələn, "Barselona" və ya "Bavariya" ilə qarşılaşmalardan öncə – cəmi 15 dəqiqə müdafiə taktikasına baxırdıq. Qalan vaxt sadəcə topa sahib olma, qapıya şutlar və məşqlərdən ibarət olurdu, sonra evə gedirdik”,

Zinəddin Zidan 2016–2018 və 2019–2021-ci illərdə “Real”ın baş məşqçisi olub. Onun rəhbərliyi altında klub üç dəfə Çempionlar Liqasını, iki dəfə İspaniya Liqasını, iki dəfə İspaniya Superkubokunu, iki dəfə UEFA Superkubokunu və Klublararası Dünya Çempionatını qazanıb.