“Barselona”nın prezident seçkilərində namizədlər müəyyənləşdi

“Barselona” klubunun rəsmi saytında prezident seçkiləri ilə bağlı məlumat yayımlanıb.

90deqiqe.Az xəbər verir ki, seçki komissiyası tərəfindən Joan Laporta və Viktor Font prezidentliyə namizəd kimi təsdiqləniblər.

Hər iki namizəd zəruri sayda təsdiqlənmiş imza – 2337 – toplayıb. Seçki komissiyasının yoxlamasına görə, Joan Laporta 7226 təsdiqlənmiş imza təqdim edib, Viktor Font isə 4440 imza toplayıb.

Namizəd Mark Siria isə tələb olunan imza sayını toplaya bilməyib (2247) və seçkilərdə iştirak etməyəcək.

Seçki kampaniyası 6 mart tarixində başlayacaq, səsvermə isə 15 martda keçiriləcək. Hazırda “Barselona” İspaniya Liqasında liderdir və ikinci pillədəki “Real”dan dörd xal öndədir.