“Mbappe hazırda yaxşı hiss edir"

"Real Madrid"in baş məşqçisi Alvaro Arbeloa İspaniya La Liqasının 27-ci turu çərçivəsində "Selta Viqo" ilə matç öncəsi hücumçu Kilian Mbappеnin bərpa prosesi barədə danışıb.

90deqiqe.Az xəbər verir ki, "Sport.es" çalışdırıcının dediklərini belə çatdırıb.

“Mbappe ilə hər gün danışırıq. Vəziyyəti tam nəzarətdə saxlayırıq, onun nə ilə üzləşdiyini və necə hiss etdiyini bilirik. Bu prosesdir və biz onu günbəgün izləyəcəyik”

Xatırladaq ki, fransalı hücumçu “Real”da sol diz bağlarını dartıb və bu səbəbdən Çempionlar Liqasının 1/8 final mərhələsində "Mançester Siti" ilə matçları buraxa bilər.

Cari mövsümdə Mbappe "Real Madrid"in heyətində bütün turnirlər üzrə 33 matçda 38 qol vurub və 6 məhsuldar ötürmə verib.