“Barselona” öz oyun üslubuna inanır"

“Barselona”nın müdafiəçisi Pau Kubarsi komandanın riskli hesab olunan oyun üslubu ilə bağlı fikirlərini bölüşüb.

90deqiqe.Az xəbər verir ki, gənc futbolçu komandanın məşqçi heyətinə tam inandığını vurğulayıb:

“Barselona”nın oyun üslubu hər zaman çox aydın olub. Biz baş məşqçiyə və onun məşqçilər korpusuna inanırıq. Son oyunda “Atletiko” Madrid demək olar ki, təhlükəli qol epizodları yarada bilmədi. Bu isə bizə daha çox inam və enerji verir ki, gördüyümüz işə inanmağa davam edək”.

Xatırladaq ki, İspaniya Kubokunun yarımfinal mərhələsinin cavab oyununda “Barselona” öz meydanında “Atletiko”nu 3:0 hesabı ilə məğlub etsə də, ilk oyunda 0:4 hesablı məğlubiyyət səbəbindən finala yüksələ bilməyib.

Qeyd edək ki, “Barselona” 7 mart tarixində İspaniya çempionatının 27-ci turu çərçivəsində səfərdə “Atletik” ilə qarşılaşacaq. Görüş Bakı vaxtı ilə 00:00-da başlayacaq.