Qrizmann gələcəyi ilə bağlı qərarını verib

"Atletiko Madrid"in hücumçusu Antuan Qrizmann gələcəyi ilə bağlı qərar verib.

90deqiqe.Az-ın "L'Equipe"yə istinadən məlumatına görə, fransız futbolçu ən azı 2025/2026 mövsümünün sonuna qədər Madrid klubunda qalmağa qərar verib. Buna görə də, Qrizmann yaxın vaxtlarda "Orlando Siti"yə keçməyəcək. MLS transfer pəncərəsi hələ də açıqdır.

Qeyd etmək lazımdır ki, "Atletiko Madrid"in bu yaz kubok qazanmaq şansı yüksəkdir - Dieqo Simeonenin komandası apreldə Kral Kuboku finalında "Real Sosyedad"la qarşılaşacaq. Qrizmann martın 21-də 35 yaşına çatacaq. Hücumçunun hazırkı müqaviləsi 2027-ci ilin ortalarına qədərdir.