Rodriqo əməliyyat olundu

"Real Madrid" klubunun hücumçusu Rodriqo ağır zədədən sonra reabilitasiyaya start verib.

90deqiqe.Az klubun rəsmi saytına istinadən xəbər verir ki, braziliyalı futbolçuda dizin ön xaç bağlarının qırılması diaqnozu qoyulub. Rodriqo uğurla əməliyyat olunub. Tezliklə futbolçu reabilitasiya prosesinə başlayacaq.

Klub bərpa müddəti ilə bağlı konkret məlumat verməyib.

Cari mövsümdə 25 yaşlı vinger “Real Madrid”in heyətində bütün turnirlərdə 27 oyuna çıxıb, 3 qol vurub və 6 məhsuldar ötürmə ilə yadda qalıb.

Rodriqo ilə klub arasında mövcud müqavilə 2028-ci ilə qədər qüvvədədir