David Villa “Atletiko”nun idarə heyətinə qoşulub

Keçmiş ispaniyalı futbolçu David Villa "Atletiko Madrid" klubunun idarə heyətində vəzifə alıb.

90deqiqe.Az xəbər verir ki, İspaniya milli komandasının sabiq hücumçusu “matrasçılar”ın direktorlar şurasının üzvü olacaq. Bu barədə məlumat klubun rəsmi saytında yayımlanıb.

Villa təyinatı ilə bağlı belə açıqlama verib: “Yeni vəzifə ilə klubuma qayıtmaqdan çox məmnunam. Eyni zamanda hər mövsüm “Atletiko”nu daha güclü etmək üçün əvvəlki kimi istəklə çalışacağam.”

Karyerası ərzində David Villa “Valensiya”, “Barselona”, “Atletiko”, “Nyu-York Siti” və digər klublarda çıxış edib. İspaniya milli komandasında o, 98 oyun keçirərək 59 qol vurub.