"Ronaldo ən yaxşı olduğunu sübut etməyə hazırdır"

İspaniyanın "Elçe" klubunda oynayan portuqaliyalı hücumçu Andre Silva "Əl Nəsr"də çıxış edən həmkarı portuqaliyalı ulduz Kriştiano Ronaldo haqqında danışıb.

90deqiqe.Az xəbər verir ki, "Marca" futbolçunun dediklərini belə çatdırıb.

"Onun şəxsi nümunəsi mənim üçün vacibdir, sadəcə məsləhət yox. Kriştianonun yanaşması və düşüncə tərzi onun ən yaxşı olaraq qalmaq istədiyini göstərir. O, həmişə öz üzərində işləyir və hər gün özünü sübut etməyə hazırdır"

41 yaşlı hücumçu 2023-cü ilin yanvar ayından bəri Səudiyyə Ərəbistanının "Əl-Nəsr" klubunda oynayır. Onun hazırkı müqaviləsi 2027-ci ilin iyun ayının sonunda bitir. Onun bazar dəyəri 12 milyon avrodur.